深宵食堂夜遊記

日本深宵食堂街知巷聞，行過尖沙咀先知香港原來都有間深宵食堂，終於搵到機會叫朋友去試。

餐廳分為室內同室外，室外當然係一眾煙民既樂土，今日朋友都係食煙，所以都係坐室外吹下涼風。放眼望去被大廈所包圍，別有一番風味。
少不了的啤酒
芝士烤巨菇
份量比一隻手掌更大，芝士烤得微溶，比起全溶的芝士更有口感，香味四溢，配上多汁有肉感的巨菇，不能不食。
一口牛粒
牛肉燒得恰到好處，不會太熟，令肉咬不開，亦不會太生，令不愛生的朋友吃不下。牛肉本身質素不差，牛味濃郁，不會太多筋，抵讚。唔明白點解要用一個生薯仔做裝飾，浪費呀，好想燒熟左再比埋我食XDDDD。

煙肉荔枝卷
荔枝清甜配上煙肉既油膩，兩者絕對是一個特別的組合，可以算係燒物中必試的菜式。(不是這餐廳做得特別好，以係本身這道菜太出色了)，餐廳的煙肉燒得不夠脆，突出唔到兩者口感的分別。
芝麻雞翼
相對其他食物，未見出色，雖然係脆，芝麻香不足，令雞肉味道太淡。
芝士年糕
芝士味濃郁的芝士心，配上微脆帶煙韌的外皮，沒有不食的理由。
炸生蠔
炸蠔炸得不會令蠔變蠔干就是一種成功，外脆的吉列，配上多汁的生蠔，好味。
玉子
淡而無味又不夠滑，果斷放棄。
環境說真的，四周境色不見突出，餐廳的擺設同空間感就令人感到舒服。(家的感覺) 員工嚴重不足，不過卻十分有禮貌，而且我們想轉台子，他們也盡量幫我們安排，加上沒有時限，當天一坐就是4個多小時，哈哈。十分適合一班朋友傾談。(價錢算是燒物的正常價錢)

總結評分
味道:7/10
價錢:5.5/10 (250)
環境:7.5/10
服務:7.5/10
推介食品:芝士年糕，燒牛肉粒，芝士烤巨菇

不中看又不中用的759車仔面

行過海翠，早知759車仔面去開分店，一直經過都無食，今日難得有時間，又唔知食咩好，就入去一試。
咖哩豬軟骨牛腩米粉
賣相真的只能說我輸了，我諗住咖哩係會比較杰身惹味的那一種，結局係咖哩飯的咖哩汁，十分稀身，撈湯只能說無味，賣相更似嘔吐物，ORZ(名符其實 見到唔想食個隻)。米粉本身偏淋身，不錯的口感，味道就係無味。豬軟骨亦都無味道，煮得軟身，份量也不太差。牛腩一的都唔淋，仲要又係無味。結論係清淡如 水的一餐，用辣椒油補味好了。
總結評分
味道:4/10
價錢:6/10 (45)
環境:6/10
服務:6/10
推介食品:N/A

適合談天的Table 18

觀塘想搵西餐，係工業區選擇實在不少，今次懶得行，就選擇了APM入面既Table18。
此餐廳分為飲野同食晚飯兩部分，今次就當然係二人晚餐。
瑞士鄉村濃湯
第一次聽到的湯，決定試一試佢。份量著實不少，二人應該可以一人一碗，腸仔滿瀉，湯雖然係紅湯，同傳統既濃郁係無關係，反而有的似中湯既清，不過腸仔為主既清湯當然煲出黎十分清。(ORZ太淡啦)
腸仔同雜菜既清湯
鮮茄蝦意粉
又係紅色@@，效果同湯又唔同，今次既紅色係有味道架。(不算太重的茄味，亦不會太酸)蝦味係無，做得非常爽口，配返茄味算係不錯。粉方面比較傳統，煮得偏硬身，有咬口及嚼勁。
肉眼扒
失色之作，牛油本身就唔應該放係牛扒上，浪費了牛扒本身的味道，牛本身味道淡，肉身非常多筋難食，七成熟既牛扒，變左應該有近9成熟，薯條炸得香脆好味。



環境幽暗，不會太靜亦不會太嘈，價錢不會太貴，適合三五知己。食物不算很好。
總結評分
味道:6/10
價錢:6/10 (200)
環境:7/10
服務:7/10
推介食品:鮮茄蝦意粉

無人排隊必有因由

行完西九龍中心，已經打哂鼓，唯有係西九龍中心食飯，Food Court 爆哂，元氣又要等，其他都要等，既然紅蔥頭唔洗等就試一試(不懷希望......)。左想又諗，最後點了一個二人餐。

羅宋湯配面包
面包香脆，蒜蓉未雖然不足，熱辣辣既面包已經足夠拉回分數。
羅宋湯偏辣，女朋友飲了幾啖就交左比我解決，除了辣，還會太咸，唔好飲。

肉醬茄子螺絲粉
茄子比較硬身，本人並不愛吃，肉醬缺乏肉香味，似汁多於似肉醬，螺絲粉都係煮得較硬身，非本人喜愛。(女朋友覺得不錯，比較有嚼勁。)

帶子肉眼配薯蓉
帶子爽口，缺乏鮮味，一般貨而已。
薯蓉做得比想像中好，足料有滿滿的薯香，而且配上汁醬，更添口感。
牛扒亦都比預想中好，火喉控制方面差一點，比七成熟多了，牛味雖然未算濃郁，但牛本身筋卻出奇地少(我好彩定真係用料問題?)。


芒果雪糕與心太軟
雪糕就是細個常食的雪糕，不多細說。(家庭不是牛X就是雀X呵呵)
心太軟絕對是另一個驚喜，外層口感不像平常吃的布朗尼口感及味道，反而更偏向雪芳蛋糕口感味道。切開是非常流心的朱古力漿。味道係普通的牛奶朱古力，比較甜，不過配上忌廉一齊食，效果就更突出。

餐廳很大，環境舒適，裝修偏向古久一點的裝潢，食品價錢普通，食物也不太差，為什麼會空位連連，無他，服務質素真的太差，職員基本上就不打算理會顧客，個個都黑口黑面唔願做咁既款，叫都無反應。如果想搵個位坐，又唔介意侍應質素，這地方其實是不錯的選擇。
總結評分
味道:6.5/10
價錢:6.5/10 (130)
環境:6.5/10
服務:3/10
推介食品:心太軟

休閒早餐舒適慢食

五香肉丁公仔面，面底甚足的一個面(好大份ORZ....)但五香肉丁量不多，只得4-5粒，真的貴得那麼小嗎???
吉列魚柳配鴨胸，魚柳即叫即炸，份量也不失禮，食落啖啖肉，十分滿足，味道就......普通魚柳囉。鴨胸是見早餐甚少見，就決定選擇，不過早餐食魚柳已經夠油，再加鴨胸就係油上加油既勁油，而且同面包夾不上，有點怪的選擇，鴨胸本身就十分正常，面包牛油偏小，岩我XD。
台式奶茶就同台式奶茶相似，但比較香一點，較少奶精味，多一點港式奶茶的茶香，算是不錯。
最緊要的是環境，一個人包場食早餐，感覺已經十分舒服，再配上餐廳本身的黑色昏暗的感覺，更加令我想坐得更久，可惜的是要上班，只好坐了一會兒就走，下次才再去XDDD。
總結評分
味道:6.5/10
價錢:6.5/10 (32)
環境:7/10
服務:6/10
推介食品:台式奶茶，炸魚柳

灣仔小食新選擇

灣仔的小食檔奇多，多數都是三寶加魚蛋，再來就是珍珠奶茶，炸物店是沒有的(應該沒有印象中係XDDDD)，去整電腦路過見到一間，當然一試。

曲奇奶茶配香香雞(小辣)
曲奇奶茶:茶味淡而不香，普通奶精是也，曲奇量不多，帶不起奶茶味，失敗。
香香雞:即叫即炸熱辣辣，炸完雞身不會太乾，保留一定肉汁，小辣的辣粉不多，可以當作小小的調味，令雞味更多變化，15元的份量亦多，有十多件，算係抵食。
總結評分
味道:7/10
價錢:6/10 (30)
推介:香香雞